Доста нерви ги чинеше охриѓани и стручниот штаб победата над Влазними и продолжување на победничката низа. Тешко беше да се биде покрај аут линијата и со мирна глава да се проследи овај инфаркт натпревар.
Доста забелешки на неговата арбитража
– Тежок натпревар, не изненади колку набој имаа гостите за овај натпревар и колку на неспортски начин се обидеуваа да стигнат до позтивен резултат за нив. Едно наше невнимание не чинеше нивна предност. Далеку подобро заигравме во вториот дел и мислам дека резултатот е реален – истакна по завршувањето на мечот стратегот на “рибарите“ Ѓорески.
Најслаба алка на езерското дерби беше главниот судија Костенчев, кој со своите одлуки во очај ги фрлаше двете екипи. – Не сакам да го коментирам судењето, но ова што се случуваше во Охрид и ваквото судење не не` води кон подобар фудбал. Тоа само продуцира нервозни фудбалери, ја иритира публиката и го распипува амбиентот. Мора судиската организација да се замисли малку какви судии се делегираат за вакви натпревари – смета популарниот Џајо.
Костенчев кој немаше свој ден на мечот додели осум жолти, три за домашните и пет за гостите , а покажа и два црвени картони по еден на двете страни.
М.П.
