Девет од можни дванаесет бода имаат на своето конто охридските рибари по одиграните четири рунди од новиот шампионат. Од прикажаната игра и од постигнатите резултати презадоволен е шефот на белите, Зоран Ѓорески – Џајо.

– Она што го планиравме во голем дел го остваривме, стигнавме до 9 бода, додека несререќно ни избега победата против Локомотива. каде имавме предност по првиот дел. Во целост сум задоволен од играчкиот кадар како и од Управата која во целост не прати и ги исполнува сите наши барања. Обврските према фудбалерите се исполнуваат редовно и атмосферата во тимот е одлична – рече Ѓорески.

Охриѓани во текот на паузата се заслија со двајца повратници во тимот, во наредниот период очекуваат да направат вистинска трансфер бомба во своите редови.

– Се засиливме со Џалески и Ѓорески, додека се уште сме во преговори со поранешниот репрезентативец Гоце Толески. Тој е во потрага на ангажман надвор од Македонија, и рече доколку не успеа да најде ангажман во странство ќе ни се стави на располагање и ќе се приклучи кон остварување на целта,  влез во првата лига – цели популараниот Џајо.

Рибарите во наредното коло во Кавадрадци, ги очекува дерби пресметката со второпласираниот Тиквеш.   – Имаме доволно информации за нашиот противник и знаеме со каков тим ќе им се спротиставиме.Ние на секој натпревар одиме на победа, без разлика дали се работи за домашен или гостински терен. Очекувам во фер игра и поштено судење да победи фудбалот. Долку спортски сме поразени ќе подадеме рака и нема да кукаме, а доколу Охрид се врати непоразен од гостувањето патот кон есенската титула ќе му биде отворен – смета стратегот на “рибарите“ Зоран Ѓорески – Џајо.

М.П.