Вили Џонс и Валентин Лазаров ќе бидат странските предавачи на редовниот задолжителен годишен семинар за судии и делегати во Охрид, објави судиската комисија на Македонската кошаркарска федерација.
На семинарот покрај тестирањето на судиите и делегатите, ќе се обрне внимание и на новите правила на ФИБА, а ќе има предавање и на тема препознавање зонска одбрана. Од оваа сезона во младинските лиги (за играчи до 15 години), кои се под капата на МКФ, ќе биде забранета зонската одбрана.
В сабота ќе биде отворен семинарот по што следуваат предавањата на Вилијам Џонс, Валентин Лазаров и нашиот ФИБА-инструктор Ѓорѓи Пиперков. В недела во улога на предавач ќе се појави Марјан Лазовски на тема зонска одбрана и препознавање на истата, и потоа ќе следуваат теоретските тестови и физичкиот легер-тест во салата „Билјанини Извори“.
OhridNews
