Диего Коста одлично ја почна сезоната на „Стемфорд Бриџ“ постигнувајќи девет погодоци во седумте натпревари во Премиер лигата, но, проблемите со колената се констатна главоболка за Жозе Мурињо.
Затоа португалскиот стручњак го замоли селекторот на Шпанија, Винсент дел Боске да го изостави напаѓачот од составот за двата квалификациски натпревари.
– Не сакам да бирам помеѓу Челси и репрезентацијата, но, јас сум тој кој одлучува дали ќе играм или не. Целосно му верувам на докторскиот тим во Челси и ако имам некој проблем веднаш ќе им кажам. Сега за сега сум потполно подготвен – потенцираше Диего Коста.
Тој со своите „богати“ настапи веднаш стана миленик на „сината“ армија навивачи, а голгетерскиот тренд го продолжи од Атлетико Мадрид.
Мх.П.
