Комисијата има капацитет и кворум да ги исполни своите обврски според законот, а оставката на претседателот на ДИК, нема да влијае на работат на овој орган, потенцира потпретседателот на ДИК, Субхи Јакупи, во изјава за „Алсат M“.
„Државната изборна комисија има капацитет и кворум за понатамошна работа и затоа нема да има пречки во одвивањето на понатамошната работа на ДИК додека се констатира прашањето на оставката и биде избран нов претседател. ДИК ќе продолжи со работа со овластувањата што ги е има, што се однесува до примената на своите надлежности. И јас како потпретседател на ДИК, врз основа на членот 26 од Изборниот законик имам право да раководам до избирањето на нов претседател.“ – изјави Јакупи за „Алсат M“.
Според прописите, Собранието на својата прва седница треба да ја потврди оставката на Кондарко, а потоа на наредна седница да даде зелено светло за предлогот за јавен конкурс за нов претседател на ДИК.
OhridNews
