На вчерашниот прв круг од локалните избори, дури 51 општини добија свој градоначалник, а втор круг гласање ќе има во 29 општини и во градот Скопје, соопшти претседателот на Државната изборна комисија, Борис Кондарко, додавајќи дека обработени се податоците од 528 избирачки места од вкупно 536.
Втор круг на локалните избори ќе има во Струга, Дебрца, Центар, Карпош, Ѓорче Петров, Бутел, Куманово, Велес, Кочани, Делчево, Гостивар, Карбинци, Арачиново, Берово, Богданци, Брвеница, Врапчиште, Могила и други општини ширум земјава.
Во втор круг ќе има и во град Скопје, а за градоначалничката функција ќе се борат кандидатите на коалицијата „За подобра Македонија“ предводена од ВМРО-ДПМНЕ Коце Трајановски, односно Јани Макрадули на Сојузот за иднината предводена од СДСМ.
OhridNews
