Фудбалерите на Охрид Лоте , Христијан Димоски и Ѓуро Мурџоски се по вкусот на селекторот на аматерската фудбалска репрезентација на Македонија, Мите Митев.
Тој на “Билјанини Извори“ го следше мечот од втората лига меѓу Охрид Лоте и Ринија (2-0) и потенцираше дека овие двајца фудбалери најверојатно ќе се најдат на списокот кој ќе биде соопштен деновиве.
Аматерската репрезентација на Македонија во септември ќе биде домаќин на Северна Ирска, Естонија и на Шведска во група од Купот на региони на УЕФА. Ова ќе биде второ учество на македонските аматери на ова натпреварување, откако лани воопшто не се прославија во Сан Марино.
Тогаш за македонската аматерска репрезентација играше и напаѓаќот на охридскиот второлигаш, Охрид` 04, Игор Клечкароски кој беше стрелец на единстевниот погодок за аматерската репрзентација. Во првиот натпревар Македонија беше поразена од Унгарија со 2-0, додека во вториот ремизираше против Сан Марино со 1-1.
М.П.
