Со отворањето на избирачкиот список на увид, од саботата се отвори и законската можност за поднесување на кандидатурите за кандидати за градоначалник и за поднесување на предлог листите на кандидати за избор на членови во општинскиот совет, кои се поднесуваат од група избирачи.

Како што информираат од подрачното одделение на министерствоото за правда, до денес поднесени се две листи за избор на членови во советот, за што потребна е подршка од најмалку 350 потписници.

Како што OhridNews дознава едната е поднесена од страна на актуелниот советник, Кујтим Усеини, а во текот на денот се очекува предлог- листа да поднесе уште еден советник.

Како што објаснуваат од министерството за правда, еден граѓанин може да се потпише само на една предлог- листа за избор на советници.


Јавниот увид во Избирачкиот список, кој се врши во подрачното одделение на министерството за правда секој ден од 8.30 до 19 часот, завршува на 9- ти февруари на полноќ.

Граѓаните имаат можност да проверат дали нивното име  се наоѓа во списокот и доколку е потребно да интервенираат со цел да се дополнат или избришат некои податоци.

Во општина Охрид на претстојните локални избори ќе се гласа на 73 избирачки места.

OhridNews