До крај на месецот ќе се знае конечната одлука на битолска Апелација за случајот Новаковиќ

Во Апелациониот суд во Битола пред малку заврши јавната седница на која се расправаше по поднесените жалбите на одбраната и обвинителството за случајот со убиството на српскиот турист Дејан Новаковиќ.

Адвокатите на обвинетите побараа ослободителна пресуда или враќање на предметот на повторно судење, а обвинителството бараше зголемување на казната.

Како што за OhridNews изјави Игор Кичеец, адвокат на дел од обвинетите, се очекува за две до три недели битолска Апелација да ја изработи и достави одлуката по жалбите на одбраната и обвинителството, кое денес побара да се одбијат жалбите на основниот јавен обвинител и на бранителите, како неосновани.

Претходно, Прилепскиот суд обвинетите ги прогласи за виновни за кривично дело „учество во толпа“. Митре Костоски доби затворска казна од 4 години, Илче Јоноски од 4,5 години, Драган Ѓорѓевиќ казна затвор од пет години, а Ѓоко Наумоски една година затворска казна.