Членовите на лајанс клубот Лихнидос од Охрид, вчера, реализираа уште една хуманитарна активност.
Имено, од средствата собрани преку реализација на повеќе хуманитарни проекти, клубот на Дневниот центар за поддршка на лица со интелектуална попреченост „Порака“ од Охрид, му донираше машина за перење алишта.
Донацијата ја предадоа претседателот на ЛК Лихнидос проф. Д-р Зоран Тунтев и поранешниот претседател Д-р Диел Аголи. Тие најавија дека клубот и во иднина во рамки на своите можности ќе го помага Дневниот центар „Порака“, со цел да го сврти вниманието на пошироката јавност од потребата за интеграција на лицата со интелектуална попреченост во општеството.
Донацијата на ЛК Лихнидос покрај за основната намена, ќе се употребува и за едукативни вежби на лицата со интелектуална попреченост кои престојуваат во дневниот центар „Порака“, кој се наоѓа во просториите на ОУ „Братство и Единство“.
Донација за Дневниот центар „Порака“ од LC „Lychnidos“
OhridNews
