По повод Mеѓународниот ден на жените и девојчињата во науката и технологијата, во рамки на училиштето СОСУ „Св. Кирил и Методиј” Охрид, беше реализирана едукативна работилница.
Како што информираат од училиштето, ученички на автентичен начин ги претставија достигнувањата на жени чии имиња се светски познати во областа на науката и технологијата. Исто така, на настанот беа претставени и успешните приказни на неколку охридски дами.
На работилницата присуствуваа жени истакнати во нашето општество, професорките од Факултетот за туризам и угостителство – Охрид Д-р. Гордана Речкоска и Д-р. Снежана Дичевска, како и и Д-р. Катерина Попоска, гинеколог-акушер, од ЈЗУ Општа болница- Охрид, кои на свој начин придонеле за развојот на општеството. Тие во кратки црти ни ја прераскажаа нивната импресионирачка животна приказна и успесите кои ги доживеале трасирајќи го својот пат кон целта. Честа и задоволството беа наши, а целиот настан поттикна мотивирачки чувства кај сите кои беа дел од него, што всушност беше и главната цел, потенцираат од училиштето.
Настанот се одржа под менторство на професорките Жаклина Милеска, Надица Речкоска и Катерина Симјаноска.
OhridNews
