Според него, вработувањето на овие лица не треба да зависи од свеста на поединците, туку тоа ќе се регулира со соодветен закон. Целта е децата кои израснале без родителска грижа, да не бидат оставени на маргините на општеството. „Треба да се изнајде системско решение со кое најмалку 10-тина лица годишно, ќе се вработуваат по специјална програма. Тоа ќе им овозможи на лицата кои израснале без родителска грижа, да излезат од незавидната ситуација во која се наоѓаат“ – истакна Груевски.
Инаку, според Законот за социјална заштита, лицата од 18 до 26 години кои израснале без родители, примаат паричен надоместок од околу 4000 денари.