На листата на кандидати за градоначалник на општина Дебрца на владејачката ВМРО ДПМНЕ има 8 кандидати, меѓу кои е и државниот инспектор за животна средина за општините Охрид и Дебрца и актуелен претседател на огранокот на партијата во Дебрца, Игор Трајкоски, дознава OhridNews. Според извори од партијата, тој се смета за еден од најсериозните кандидати во трката за градоначалничката функција во општина Дебрца.
Покрај него, како можни кандидати од редовите на ВМРО ДПМНЕ се спомнуваат уште и Димче Андрески, Гоце Цветкоски, Ѓорѓи Скепароски, Иван Димоски, Златко Силјаноски…
И СДСМ, се уште не објавува кој ќе биде нејзиниот адут на претстојните локални избори во Дебрца. Најголеми шанси му се даваат на актуелниот градоначалник Љупчо Којчиноски, но во јавноста се спомнуваат и имињата на други кандидати.
Законскиот рок за избор на кандидат за градоначалник на Дебрца полека истекува, и наскоро СДСМ и ВМРО ДПМНЕ ќе треба да ги разрешат сите дилеми за претстојните локални избори во оваа општина.
