Две принудни слетувања се случиле денеска на аеродромот „Александар Велики“ во Скопје. Авион на унгарската компанија „Малев“ од типот „Бомбардиер – Даш 8“ со 64 патници и четири членови на екипажот, кој редовно полетал од аеродромот во 15 часот и 32 минути, кон Будимпешта, неколку минути по полетувањето пријавил технички проблем на еден од моторите по што побарал и добил дозвола од Контролата на летање да се врати назад и безбедно слетал на „Александар Велики“.Два часа подоцна ист тип на авион во сопстевност на „Аустриан ерлајнс“ со 64 патници и членови на екипажот веднаш по полетувањето исто така пријавил технички проблеми со стојниот трап и принудно слетал на аеродромот во Скопје. Заради принудните слетувања аеродомот „Александар Велики“ околу 10-на минути бил затворен по што авиосообраќајот продолжил да се одвива редовно.
Претходно рано утрово авион од типот „Бомбардиер Даш 8“ се урна во местото Бафало -САД, при што загинаа сите 48 патници и членови на екипажот, а животот го загуби и едно лице на земја.
Ohridnews
