Во изминатиот период, заклучно со овие два случаи, од страна на нашата гранична полиција евидентирани се 27 одземања на регистарски таблички од кои 12 се украдени во Ханиоти и пет во Неа Пори. На 18 возила им се украдени и двете регистарски таблички, а на останатите 9 по една.
Од вкупниот број случаи, 18 се пријавени од страна наши државјани и на грчката полиција, но досега МВР нема добиено никаква информација од грчките колеги за случаите.
Покрај ова, регистрирани се и четири случаи на оштетувања на возила на задната табличка на возилото, пришто со црн спреј е избришана ознаката „МК“, додека во некои случаи било напишано „ГР“.
Петнаесет од македонските граѓани кои пријавиле кражба или оштетување се од Скопје, а останатите од повеќе други градови од државава.
