Општинските основни училишта “Св.Наум Охридски”, “Григор Прличев”, “Кочо Рацин” и ОЕМУЦ “Св. Наум Охридски”, се добитници на високото признание што го доделува Националната агенција за европски образовни програми и мобилност за периодот 2025/2026 година.
Наградените образовни институции од Охрид, кои се дел од европската заедница на учење, застапени на мапата на е Твининг, имаа чест да ја подигнат плакетата – симбол на нивната улога како водечки примери во воведување иновации, интеркултурна соработка и дигитална писменост.
Директорката на ООУ “Св. Наум Охридски”, Валентина Рубаноска ја нагласи важноста на е Твининг платформата која ги поврзува учениците и наставниците низ цела Европа, преку инспиративни содржини кои ги мотивираат младите да стекнуваат нови искуства и да споделуваат одлични практики со цел збогатување на воспитно-образовниот процес.
OhridNews
