Во сообраќајна незгода шсто утрово околу 10.20 часот се случи на булеварот „Туристичка“ во Охрид, наспроти бензиската на „Лук оил“, со тешки телесни повреди се здоби 27-гидишна стружанка. Со скршеница на десна подлакица, таа е пренесена во болницата „Св. Еразмо“, каде по укажаната медицинска помош е пуштена на домашно лекување.
Сообраќајната незгода се случила во момент кога товарно моторно возило марка „Фолксваген“ со кочански регистарски таблици, движејќи се по булеварот скршнало на десната коловозна лента и притоа со предниот десен дел удрило во предниот лев дел на патничко моторно возило марка „Голф“ со охридски регистарски таблици, во кое била и повредената.
Увид на местото на несреќата изврши сообраќајната полиција, која работи на расветлување на случајот.
