Едно лице загина, а шестмина се повредени во тешка сообраќајна несреќа што се случи на патот Ресен-Царев двор, во близина на село Горно Дупени, јавува битолската телевизија Тера.

Сообраќајката се случи попладнево кога се судриле „Југо“ со охридски регистерски таблици и комбе „Фолксфаген“, исто така со охридски ознаки.

Од ударот на лице место почина Ѓорѓи М. од Ресен кој управувал со „Југото“, а неговата сопруга и синот со тешки повреди се пренесени во Клиничкиот центар во Битола.

Според полицијата, причина за несреќата е недржење страна и правец на движење. Комбито со еден дел преминувало во спротивната насока и со предниот дел удрил во Југото.

OhridNews
извор: „Макфакс“