Ќе се подобрува статусот на Ромите преку нивно поголемо вклучувањето во општествениот живот. За таа цел, во Скопје се организира Третата работна средба, на која претставници на Владата како и Делегација на ЕУ ќе разговараат за интеграција на оваа заедница во областите на вработување и едукација.
Како што информираат од Министерството за труд и социјална политика, преку Акцискиот план за социо-економско вклучување на Ромите во земјава, се цели кон подобрување на условите за живот на овој етникум. Планот се однесува на лицата без лични документи и образование. Исто така, опфатени се и проблемите со вработување и домување, со кои секојдневно се соочуваат припадниците на оваа заедница.
Настанот е во организација на Министерството за труд и социјална политика, Секретаријатот за европски прашања, Кабинетот на министерот без ресор и Делегацијата на Европската унија во Македонија.
OhridNews
