Ексминистерот за одбрана Љубен Пауноски, деновиве излезе со скандалозно обвинување дека поранешниот премиер Љубчо Георгиевски  во текот на 2001 наводно сакал да ја подели Македонија. Според неговото тврдење изнесено пред невладината „Транспарентност Македонија“, тогашниот премиер се носел со идеја на албанците да им се отстапат Дебар, Гостивар и Тетово, а македонците од овие градови да се населат во Бугарија.

Според Пауноски, кој вели дека најодговорно стои зад кажаното,  идеите на  поранешната влада на Георгиевски се спроведувале и денеска од други луѓе и со други методи.


Осудениот Пауноски излезе со скандалозни обвинувања

Пауноски кој поради злоупотреба на службената положба во постапка покрената во 2001 година е осуден на три и пол години затвор, во вербалното сведоштво пред „Транспарентност Македонија“  тврди дека е жртва на монтиран процес со цел негова  дискредитација.

Пауновски вели дека во текот на изминатите осум години е изложен на континуирани притисоци и уцени со закани по неговиот живот и по здравјето на членовите на неговото семејство, а дека има основано сомневање дека таквите закани можат да се остварат токму за време на одржувањето на затворската казна.

Ohridnews