ЕЛ : Мекклејб и Антиќ на гостински терен бркаат бодови

08.11.12 11:05

ЦСКА Москва-Барселона е дерби натпреварот во петтото коло, во кошаркарската Евролига. Двата тима во пресрет на дуелот влегуваат со максимален учинок, четири победи во исто толку натпревари.

Во Д групата, партиципира и Лијетувос Ритас на македонскиот репрезентативец Предраг Самарџиски. Литванскиот тим на домашен терен ќе го пречека турскиот Бешикташ.

Во четврток, покрај Самарџиски на паркетот во Евролигата ќе се појават Перо Антиќ и Лестер Бо Мекејлеб. Антиќ,член на европскиот првак Олимпијакос, во Ц групата, ќе гостува во Милано кај Армани. Во Италија ќе гостува и Мекејлеб со Фенербахче, во рамките на А групата турскиот тим ќе игра во Канту.