Како што беше истакнато на промоцијата под мотото “Избери го полесниот пат”, на која присуствуваше и премиерот Никола Груевски, од 16-ти февруари, граѓаните ќе можат на etax.ujp.gov.mk да ги пријават приходите во УЈП.Оттаму потенцираат дека сигурноста, доверливоста на информациите и личните податоци ќе бидат обезбедени во целост.
-Оваа услуга во 2012 година, во оваа доба на Интернетот ќе ги намали гужвите, метежите и сите оние нервози што произлегуваат пред жолтата линија на шалтерите, истакна директорот на УЈП, Горан Трајковски.
За користење на е-даноци даночниот обврзник треба да поседува дигитален сертификат на USB токен, со што се обезбедува унифицираност на користење на електронските услуги.
Сертификатот чини околу 900 денари и важи за административните услуги во рок од една година.
