Светата литургија, на која присуствуваа голем број верници, чиноначалствуваше парохискиот свештеник, отец Атанас Казанџиски, придружуван од парохискиот црковен хор . По чинот на светата литургија беше прочитана беседата од г.г.Стефан за значењето на овој ден, за значењето на постот и на причесната пред најголемиот празник над празниците – Воскресението Господово. Исто така во рамки на литургијата беа осветени погача, леб и неколку икони .
Вакви свети литургии во црквата ” Свети Илија” во Елшани, ќе се одржат и за време на Велигденските празници, на 4 и 5 април 2010 година.
Велигденскиот или Чесен пост е најголем и најдолг пост во православната вера. Овој пост годинава, започна на 15 февруари и ќе трае до 4 април кога е најголемиот христијански празник Велигден. Православните христијански канони, постот го подразбираат како духовно и телесно прочистување, воздржување, молитва, покајување и како круна на се – света причест. Постот не значи само одрекување од храна. Според православното учење, тоа е и израз на слободната волја, етичкиот став и израз на вистинската љубов кон Бога.
