Со доаѓањето на капитенот Горан Пандев се комплетираше македонската фудбалска репрезентација која во швајцарското место Фусисберг се подготвува за престојниот дуел со Лихтенштајн во петтата рунда од Лигата на Нации. „Црвено жолтите“ со победа против Лихтенштајн ќе се доближат уште повеќе до првата позиција во групата која води во баражот за пласман на ЕП 2020 година.

Фудбалерот за врска Енис Барди верува во победа, но изјави дека репрезентативците да играат смирено и концетрирано, бидејќи само така квалитетот ќе излезе на виделина.

  • Сигурен сум дека секој од нас ќе го даде најдоброто од себе за да ја оствариме целта и да победиме против Лихтенштајн. Мораме да бидеме трпеливи и концентрирани, а тогаш ќе дојдат до израз нашите квалитети. Во Скопје одигравме одлично, но тој резултат не смее да не залажува бидејќи Лихтенштајн сигурно ќе сака да го поправи впечатокот пред домашната публика. Свесни сме за важноста на натпреварот и треба е да одиграме тактички добро и организирано. Во добра позиција сме, но секако треба да бидеме внимателни, концентрирани и со дисциплина во играта за да ги искажеме нашите квалитети на теренот во Вадуц. Мотиви и желба не недостасуваат, напротив, пред оваа генерација е голема прилика да обезбеди место на Европско првенство. Сами решаваме за нашето место во групата и одиме да победиме. – истакна фудбалерите на Леванте.

Македонија е лидер во групата со 9 бодови, додека второпласирана е селекцијата на Ерменија. Противникот на македонската селекција Лихтенштајн има три бодови и се наоѓа на последната четврта позиција.

OhridNews