Ракометните репрезентативци, кои против Словенија на Европското првенство ќе го играат натпреварот за петтото место и за пласман на квалификациониот турнир за Олимписките игри во Лондон, ги исполнија критериумите на Агенцијата за млади и спорт (АМС) за добивање спортска стипендија од меѓународен ранг, и тоа според Правилникот за категоризација за пласман на петтото или шестото место на еден континентален шампионат.
Тоа значи дека секој ракометар, во следниве две години ќе добие стипендија во висина од 1,3 просечни месечни плати.
– Според законските акти, спортистите од меѓународна категорија имаат право на паричен надомест во износ од 1,3 просечни македонски плати во период од две години. Ракометарите ги исполнија условите и ќе го добијат тоа што им следува – рече за веб порталот www.mkd.mk Тане Димовски, портпарол во АМС.
Ракометарите месечно во следните две години ќе добиваат по околу 27 илјади денари, кога сé ќе се собере, таа сума за две години изнесува десет илјади евра.
Ohridnews
