Македонија на мечот со Данска имаше “нерешено в џеп“ и напад за победа. Но десетина секунди пред крајот ударот на Лазаров го одбрани данскиот голман, а како во “хорор“ сценарио топката заврши во нашиот гол и Данците славеа победа која ни го затвори патот кон полуфиналето.

– Поради тој гол Данска, а не ние, е во полуфинале. Без него ќе беше нерешено. Данска ќе имаше 5 бода, ние 6 и ќе се пласиравме во полуфинале.

– Поради тој гол сеуште не сме ги обезбедиле квалификациите за ОИ во Лондон. Без него веќе ќе ги имавме обезбедено.

– Да не беше тој гол, како полуфиналисти на ЕУРО, следната година ќе бевме директни учесници на Светско првенство во Шпанија. Поради тој гол ќе мораме да играме бараж средби.

Сепак капитенот Кире Лазаров смета дека и да сме ја победел Данска, ќе загубевме од Полска.

– Во случај да забележавме победа против Данска,
немаше да ја победиме Полска во наредниот меч. За жал таков е
македонскиот менталитет“, вели Лазаров.

М.П.