Финалниот меч против Австрија беше последен за капитенот на македоската кошаркарска репрезентација, Моника Гаврилоска која најави повлекување од дресот со националниот грб. Победа во финалето и опростување со злато ќе беше крај од соништата за неа.
– Освојувањето на бронзениот медал не е мала работа, но сепак останува горчината по поразот во финалето – вели Гаврилоска.
Причината за поразот ја гледа во слабиот старт, а смета дека женската кошарка има иднина во Македонија.
– Влеговме малце анемично во мечот, на сите нас емотивно делуваше тоа што ова беше последниот меч за мене. Успеавме да се вратиме во мечот по големата негатива, но не и да победиме, им честитам на Австрија која заслужено триумфираше. Добро е за нас што луѓето во Македонија ќе слушнат дека се игра и женска кошарка. Се надеваме дека во наредните две години овие девојки ќе имаат уште многу вакви убави моменти и ќе се радуваат на победи во финалето – рече Гаврилоска која најави запливување во тренерските води.
Гаврилоска на петте меча кои ги одигра на шампионатот постигнуваше просечно 14.2 поени имаше 9.8 скока и 2.8 успешни додавања.
М.П.
