Германија која по пауза од 14 години на едно големо натпреварување е без “заштитниот знак“ тренерот Хајнер Бранд на мечот со Македонија ќе запнат да го поправат киксот со Чешка.
– Кога можеше Чешка да се држи со Германија зошто да не можеме и ние. Чесите цел натпревар во континуитет имаа водство а Германците каскаа на моменти. Несигурноста во составот кај Германија е голема, тие се млади ракометари кои имаат искуство само во помладите категории – истакна капитенот Кире Лазаров.
И во таков состав предводникот на македонската репрезентација го респектира германскиот состав.
– Многу ни одговара играта нивна, можеме да се надигруваме. Во овој натпревар Германија е фаворит но со помош на “фалангата“ можеме да оствариме позитивен резултат и да ја обезбедиме вредната победа – заврши Лазаров.
Натпреварот помеѓу Македонија – Германија е закажан за 18:20 часот, во салата “Чаир“ во Ниш.
