Македонските ракометари ја преживеаа групата Б, трите натпревари кои ги одигра Македонија во салата “Чаир“, беа инфракт мечеви, тешки за оние со слабо срце. Но таков е спортот, (не)благодарен. Во месец јануар каде темпаратурите се далеку под нулата “црвено жолтите“ со пласманот во вторите групи, направија повторно да се пее, “Излези момче, право на тераса. . .


Првиот со “викинзите“ имавме напад за победа заврши 23-23. Со Германија промашивме две три колосални шанси за предност, што “панцирите“ умеаа да го казнат,  во последниот напад Лазаров ја “здрви“ пречката, а избраниците на Шундовски со наведнати глави го напуштија теренот во Ниш. Се што прокоцкаа со “швабите“, и испуштија со четири кратниот првак Шведска, ракометарите наплатија на решавачкиот меч во групата со Чешка, која буквално беше совладана во секој сегмент.


Македонија ги пакува куферите и заминува во Белград со големото европско друштво, во втората фаза не очекуваат силни и познати противници. Почнуваме со големиот фаворит Данска, кој не се покажа во најдобро светло на ова ЕП. Во втората рунда играме со Полска, ќе се навратиме на СП во Хрватска, кога Алушески со гол во последниот напад ги фрли полјаците на колена, а “црвено жолтите“  триумфираа со минимални 31-30. Втората фаза ќе се комплетира со натпреварот против домаќинот на Европското првенство, Србија, во салата “Арена“ која е со капацитет од 21 000 гледачи се очекува вистинска “војна“ на навивачите.


Македонската фаланга и Шведска во вториот круг пренесуваат еден бод, Србија и Германија имаат по четири, полјаците два а Данска е без бодови.

Распоред на натпрерите во втората фаза  :

21.01 16:15ч Полска – Шведска
21.01 18:15ч Данска – Македонија
21.01 20:15ч Србија – Германија
23.01  
16:20ч		  
Полска		 – Македонија
23.01 18:20ч Данска – Германија
23.01 20:20ч Србија – Шведска
25.01  
16:15ч		  
Полска		  
– Германија
25.01 18:15ч Данска – Шведска
25.01 20:15ч Србија – Македонија

Михаил Постоловски