Европската унија изрази загриженост од порастот на барања за азил од македонски граѓани. Македонците најмногу азил бараат во Германија, каде минатиот месец се упатиле 521 македонски граѓанин.
Загриженост изрази и МВР, од каде најавија дека во идниот период ќе бидат преземени широки мерки со цел граѓаните да бидат информирани за негативните последици од злоупотребата на визната либерализација.

– Засега нема потреба од спречување на правото за излез од земјата затоа што сметаме дека целта ќе ја постигнеме преку кампања и информирање на граѓаните дека шансите да добијат азил во земјите на ЕУ се никакви. – истакна  министерската за внатрешни работи, Гордана Јанкуловска.

ЕУ очекува македонските власти сериозно да се зафатат со решавање на проблемот со големиот број азиланти, а некои европски медиуми веќе побрзаа да најават оти доколку продолжи негативниот тренд Македонија може да се соочи со укинување на визната либерализација.

OhridNews