ЕВН Македонија го презеде управувањето со малите хидроцентрали

ЕВН Македонија од денеска го презеде управувањето со седумте мали хидроцентрали кои од 2002 година беа под концесија на чешки Хидропол. Во текот на овие 11 години ЕВН и Хидропол ги реконструираа, модернизираа и техничко-технолошки ги надградија малите хидроцентрали Дошница, Калиманци, Матка, Пена, Песочани, Сапунчица и Зрновци.

Покрај овие седум мали централи, во сопственост на ЕВН Македонија се и ХЕЦ Попова Шапка, ХЕЦ Бабуна, ХЕЦ Белица и ХЕЦ Турија кои исто така се целосно ревитализирани, автоматизирани и технолошки компитабилни. Вкупната инсталирана моќ на сите 11 мали хидроцентрали изнесува 47 МЊ, што претставува зголемување за 10%, освен кај ХЕЦ Матка каде моќноста е двојно зголемена со изградбата на целосно нова Хидроелектрична централа. Просечното годишно производство изнесува 130 ГЊх електрична енергија.

Од ЕВН Македонија потенцираат дека ја негуваат културата за заштита на животната средина и затоа постојано вложуваат во модернизирање и градење на капацитети за производство на електрична енергија од обновливи ресурси.