Евтина и нова авиолинија од Охрид-Скопје кон Варна и Бургас, ќе иницира Македонско-бугарската стопанска комора за што веќе се остварени контакти со македонската Управа за цивилно воздухопловство, пренесува „Вечер“.
На трилатералниот Бизнис форум што се одржува во Софија, делегацијата на македонско-бугарската стопанска комора ќе иницира и запознавање со потенцијалите на Охридско-преспанските капацитети, планинскиот туризам во Македонија, како и летните аранжмани за туристичките места на бугарското крајбрежје.
Исто така, свое обраќање на форумот ќе има претседателот на комората Зоре Темелковски, каде што ќе ги достави иницијативите за средба на туристичките асоцијации и туроператори пред стартот на туристичката сезона.
OhridNews
