Џез, соул и фанк на зајдисонце со Владимир Четкар Секстет

Охриѓанецот кој го освои светот, гитарист, вокалист и композитор Владимир Василески Четкар на 6ти август во плажа ресторанот „Бонанца“,  ќе го одржи долго очекуваниот летен концерт.

Џез, Соул и Фанк на зајдисонце со Владимир Четкар Секстет и вината на Monastery Winery на прекрасната плажа – ресторан Бонанца“ на брегот на Охридското Езеро, во населбата Св. Стефан, стои во најавата за концертот.

Полниот состав на Владимир Четкар Секстет ќе настапи на овој концерт.

Покрај вокалистот и гитарист Владимир Четкар, секстетот го сочинуваат: Сенад Усеин на труба, Борислав Веселинов-тенор саксофон, Филип Стевановски на тромбон, Бас Гитара свири Џоле Максимовски, а на тапани е Дино Милосављевиќ.

Сите кои се желни за добар звук, искрена емоција и енергичните тонови од гитарата на македонскиот музички амбасадор, ќе можe да уживаат во волшебната атмосфера на плажа- ресторанот „Бонанца“.

Влезниците за настанот чинат од 500/ 800 денари, а бројот публика е ограничен поради пандемијата од Ковид-19.

Почетокот на концертот е закажан за 20:30 часот, а влезот еден час порано, во 19:30.

ОhridNews