Четирикратниот шампион во Формула 1, Себастијан Фетел од следната сезона ќе биде дел од италијанскиот тим Ферари.
Тој во тимот од Маринело ќе го замени Фернандо Алонсо кој не успеа да најде заеднички јазик околу новиот договор.
– Го напуштам Ред Бул и тоа е моја конечна одлука. Долго време размислував и време е да направам нов чекор во мојата кариера – рече Фетел.
Одлуката германскиот пилот за промена на средината од следната сезона ја соопшти за време на квалификациите на трката „Сузака“ за големата награда на Јапонија.
– Сите нас не изненади со неговата одлука која ни ја пренесе во пресрет на трката во Јапонија. Изгледа дека Ферари му понуди нешто што неможе да одбие – потенцираше „шефот“ на Ред Бул, Кристијан Хонер.
Фетел првата титула ја освои 2010 година и стана најмлад шампион во Ф1 циркузот. Од тогаш Германецот освојуваше уште три титули во низа и им се придружи на Михаел Шумахер, Алан Прост и Хуан Мануел Гангија.
Од тимот на Ред Бул веднаш објавија дека замената за Фетел ќе биде рускиот пилот Данил Квајт.
Мх.П.
