Поради постоење на основано сомнение дека ги сторила кривичните дела „Кражба“ и „Кражба во обид“, СВР Охрид поднесе кривична пријава против И.Б.Т. (27) од Бургас , Република Бугарија.
Од страна на истражен судија при Основниот суд во Охрид, изречена и е мерка „Протерување од Република Македонија“ во траење од 3 години, по што од страна на полициски службеници е спроведена до граничниот премин „Деве Баир“.
На ден 21-ви овој месец, околу 14 часот, пријавената, забележувајки туристи кои во група се движеле низ туристичкиот комплекс „Св.Наум„ се приближила кон последните лица во групата, и силно се втурнала кон Р.К.Б. од Белгија. Во истиот момент таа успеала од ранецот на белгиската туристка да одземе паричник со 220 евра, повеќе дебитни картички и други лични предмети. Одкако незабележана го направила тоа, пријавената се приближила и до Б.Л.Р. од Холандија која била во истата група туристи. Искористувајќи погоден момент, при движење, пријавената И.Б.Т. од Бугарија, започнала да го отвара патентот на ташната која на рамо ја имала Холандската државјанка, но притоа, била забележана и спречена во намерата да ја изврши кражбата.
Во разговор со полициските службеници, пријавената давала лажни податоци за денот на нејзиното влегување во Република Македонија како и за лицата со кои била во туристичкиот комплекс „Св.Наум“.
ОhridNews
