После големиот успех на Фудбалскиот турнир во Сараево, со освојување на второто место во конкуренција на 48 екипи, младите фудбалери на ФК “Фер Плеј” од Охрид, денес беа примени од страна на Градоначалникот на општина Охрид Александар Петрески.
На средбата Градоначалникот Петрески го искажа своето задоволство од постигнатиот резултат и на младите фудбалери им посака многу успех во иднина.
Потенцирајќи го значењето кое го има спортот во градењето на личноста, Градоначалникот напомена дека и во иднина, како и досега, општината Охрид ќе ги поддржува сите спортски екипи кои достојно го репрезентираат Охрид и Република Македонија.
По тој повод на младите фудбалери од “ФК Фер-Плеј” им подари 24 спортски комплети со лого на општина Охрид.
Ohridnews
