Сите серии од препаратот Фервекс за возрасни со шеќер, гранули за перорален раствор (во кесички), превентивно се повлекува од аптеките, додека производот Fervex sugar free (гранули за перорална употреба без шеќер) не се засегнати, односно овие гранули, не се повлекуваат од производителот и ги има во продажба во аптеките.
Оваа одлука е донесена откако Бирото за лекови во средата писмено беше информирано од компанијата Фармасвис ДООЕЛ, која е застапник на производителот Bristol-Myers Squibb од Франција, дека согласно Законот за лекови и медицински помагала, од нивна страна е одлучено доброволно и превентивно да ги повлече сите серии од производот, пренесува „Макфакс“
„Повлекувањето е како превентивна мерка додека трае испитувањето на сите лотови на производот Fervex®Adult Raspberry, кој не е регистриран во Македонија и никогаш не бил присутен на македонскиот пазар, ниту на пазарот во соседните земји. Овој производ е со слична формулација на гранулите Фервекс во кесички за возрасни кои се присутни и се продаваат на нашиот пазар”, се вели во соопштението на Бирото за лекови.
Од компанијата посочуваат дека се преземени сите потребни превентивни мерки и резервите од сите серии од овој производ се повлечени од дистрибутерите на големо, а истото продолжува да се врши и од аптеките во најкраток можен рок.
Превентивно и доброволно повлечените производи се складирани во магацин сé до добивање на тамошни инструкции на производителот Bristol-Myers Squibb од Франција.
извор:„Макфакс“
