Педесеттотo, јубилејнo издание на фестивалот „Охридско лето“ е веќе зад нас. Зад нас се и фестивалските случувања, уметнички достигнувања, статистиките, новинарските критики. Се транспортира и опремата од фестивалската зграда, во која навидум владее мир, бидејќи наскоро ќе започне битката за директорската фотелја. На неа привремено за да се истурка јубилејниот фестивал седна Васил Зороски, кој ја извршуваше функцијата вршител на должност. Но, тој наскоро заминува во пензија, па неминовно е да се бара негов наследник.


Се „расчистува“ теренот за избор на нов директор во „Охридско лето“

Тоа значи дека фестивалот за само 3 месеци ќе добие трет директор, откако Тони Симоноски кој директоруваше речиси 4 години беше сменет непосредно пред почетокот на 50-то издание на фестивалот, а актуелниот в.д. заминува во пензија. Партиските кујни веќе работат, а наскоро се очекува да биде распишан и конкурсот за избор на директор. Ќе видиме ли уште едно партиско решение на директорската позиција во „Охридско лето“ или можеби шанса конечно ќе добие непартиска личност. Ќе видиме.

OhridNews