Седуммина фудбалери на актуелниот светски првак Шпанија се номинирани за престижната награда на ФИФА – играч на годината.

Во трка за наградата се наоѓаат вкупно 23-ца фудбалери, покрај Шпанија најмногу фудбалери на листата има од Германија, петмина: Швајнштајгер, Клосе, Озил, Милер и Лам. Кога се во прашање тимовите најзастапена е Барселона со петмина фудбалери: Дани Алвеш, Иниеста, Чави, Пујол и Меси.

Останати номинирани: Кристијано Роналдо (Португалија); Чаби Алонсо, Икер Касиљас и Сеск Фабрегас (Шпанија),  Дидие Дрогба (Брегот на Слоновата Коска), Самуел Ето (Камерун), Диего Форлан (Уругвај), Асамоа Гијан (Гана), Аријан Робен и Весли Снајдер (Холандија), Маикон и Жулио Цезар (Бразил).

Првичниот список на ФИФА ќе биде скратен на 6 декември, името на лауреатот ќе биде објавено на гала вечерта која ќе се одржи на 10 јануари следната година. Од минатата година ФИФА и Франс фудбал заеднички ја доделуваат наградата, минатогодишниот победник е Лионел Меси.

Најдобриот играч на светот за 2010 година ќе биде избран со гласовите на новинарите, селекторите и капитените на националните тимови. Наградата за најдобар играч на светот за прв пат е доделена во 1956 година.

“извор Макфакс“
OhridNews