Агенцијата за промоција и поддршка на туризам зазема директно учество на заеднички штанд со Националните туристички агенции од Албанија и Србија, на саемoт за вино, храна и туризам, „Винска визија на Отворен Балкан“, во период по 01-04 септември 2022 година.
АППТ во својата Програма за саемот има превидено четиридневни активности. На штандот се предвидува со своја презентација да земат учество занаетчии кои изработуваат традиционален македонски филигран.
Фамилијата занаетчии Шикалески од Охрид ќе бидат присутни на македонскиот штанд кои ќе ја збогатат програмата со рачна изработка на сребрен филигрански накит. Со своја презентација на македонскиот штандот ќе бидат присутни и бисерите Филеви, од Охрид. Посетителите ќе можат да бидат удостоени и со презентација на кој начин се изработува традиционалниот охридски бисер, велат од АППТ.
Промоцијата на нашата земја како туристичка дестинација, додаваат од АППТ, ќе биде проследена со туристички видеа, промотивни брошури, флаери, како и со промотивен материјал кој ќе го подготувава агенција Рејтинг по нарачка на Владата на РС Македонија. (брошури, банери, флаери и видео записи).
Презентација на гастрономскиот и винскиот дел ќе бидат дел од Програмата на Агенцијата за туризам каде ќе има дегустација на храна и вино обезбедени од винските и гастрономските излагачи на саемот.
OhridNews
