ПС Струга поднесе три кривични пријави против едно лице од с.Делогожда-струшко и уште две лица од Струга, како и против и правно лице и одговорното лице од Струга, за сторени кривични дела „бесправно градење“. Во периодот од април до јули 2013 година во Струга пријавените започнале градба на објекти без притоа да поседуваат соодветно одобрение за градба и исправна документација, соопшти МВР.
ПС Струга поднесе три кривични пријави против други три лица од струшко Калишта и Струга за сторени кривични дела „бесправно градење“ и „узурпација на недвижности“. Едно од нив во текот на 2007 година на крајбрежјето на Охридско Езеро без одобрение и договор за закуп на државно земјиште поставило дрвена барака, што ја користи како угостителски објект. Другите двајца осомничени спротивно на потпишаниот договор со Министерство за транспорт и врски за закуп на државно земјиште на крајбрежјето на Охридско Езеро наместо да го уредат земјиштето како сервисни пунктови, изградиле објекти од цврста градба, а по завршувањето на закупот земјиштето не го вратиле во првобитна состојба, информираат од МВР.
OhridNews
