Едно лице е полесно е повредено во тепачка што денеска околу 14 часот се случила на автобуска постојка во близина на црквата Св. Петка во Струга. Имено тројца ученици од С.У. „Ибрахим Темо“ од албанска националност физички нападнале ученик од македонска националност од Струга кој учел во Охрид. Притоа нападнатото момче се здобило со лесни телесни повреди.
Причина за инцидентот биле нерасчистени меѓусебни односи уште од минатата школска година.
Полицијата веднаш ги привела напаѓачите со кои бил извршен разговор во присуство на родители, адвокат и социјален работник.
По завршување на истрагата против учесниците во инцидентот ќе биде поднесена соодветна пријава, информираат од полицијата.
OhridNews
