Во Битола деновиве животот се одвива отежнато. Со последните врнежи снежната покривка во градот надмина 50 сантиметри, коловозите и тротоарите се лизгави и тешко проодни. Поради екстремно ниските температури замрзнати се и делови од реката Драгор.

Најфрекфентните градски сообраќајници од прв приоритет се расчистени, додека споредните се речиси непроодни. Полни раце работа има  Битолската болница каде секојдневно се примаат нови пациенти со скршеници здобиени од падови на снегот и мразот.

Битола е под снег од 21 декември, од кога снежната покривка само се зголемува. Според најавите на метеоролозите деновиве треба да очекуваме нови обилни врнежи од снег, што ќе им донесе нови главоболки на битолчани кои ја живеат една од поострите зими во последните години.

OhridNews
фото: Кирил Јорданоски