Вчеравечер публиката во Jazz Inn уживаше во стендап вечер со црн хумор, остри шеги, непријатна смеа и комедија што оди таму каде што другите не сакаат ни да погледнат.

Ова беше вечер за публика што знае дека хуморот понекогаш боли — ама затоа најсилно се смее. Затоа „Црн хумор“ не е шоу за чувствителни души. На сцената настапија Никола Тодороски, Никола Братучед Сиљаноски, Зоран Донев и Илија Богданоски.

Вечерва во Cuba Libre продолжува „Summer Comedy Marathon” со стендап шоу „Треба да разговараме“ кое ќе донесе вечер со искрен хумор, директни муабети и комедија што отвора теми за кои сите имаме што да кажеме.

На сцената ќе настапат Sin na Majka и 1chovek, а за гостопримството ќе се погрижи Никола Тодороски.

Подгответе се за вечер со многу смеа, добра атмосфера и комедија што оди директно во суштината, велат организаторите.

Ова шоу е само со резервации на телефонскиот број 075 283 066 и истото не се препорачува за лица под 16 годишна возраст.

Фото галерија:

OhridNews

фото. А. Момироска