Фото: „Езерска“ на Ристо Самарџиев победи на поп вечерта на „Охрид фест“

Ристо Самарџиев со песната „Езерска“ победи на поп-вечерта на 19-то издание на фестивалот „Охрид-фест – Охридски трубадури” што се одржа синоќа на летната сцена Долни сарај.

^{Триумф на поп вечерта на Ристо Самарџиев}

Второпласирана беше Биба Додева која ја изведе композицијата „Прашај ме“ на Биба Додева,а трет беше охриѓанецот Денис Мурат со песната „Без мене“.

^{Второпласираната Биба Додева}

^{Охриѓанецот Денис Мурат – трет}

Првата награда од Советот на фестивалот му припадна на Мики Јовановски-Џафер, наградата за најдобар сценски настап му припадна на Ивица Велоски за изведбата на песната „Никогаш не вели никогаш“, наградата за најдобра интерпретација ја освои Александра Пилева, а за најдобар млад изведувач беше прогласена Лена, која ја изведе песната „Магија“.

Весна Малинова беше нагадена за најдобар текст за песната „Се што ме врзува за тебе“, а Дарко Тасев за најдобар аранжман за песната „Животот е како коцка“, додека Александар Тарабунов со песната „Овие денови“ ја освои наградата „Долни Сарај”.

^{Александар Тарабунов}