Со добро познатото шоу за јавноста „2 Мothers Brothers and 2 Cousins“ вчеравечер започна седмото издание на „Summer Comedy Marathon“ кое ветува шаренолика програма за сечиј вкус.
Присутните во „Monastery Winery“ во Опеница уживаа во вино, ѕвезди и комедија, вечер исполнета со смеа и фамилијарен хаос.
Низ веселото и забавно шоу, на кое публиката се смееше до солзи, актерите Никола Тодороски и Стрезо Стаматовски во живо изведуваа голем број познати музички нумери со изменет и сатиричен текст, надополнети со исклучително креативен сценски материјал со актуелни теми.
Стендап дуото беше придружувано од Никола Јосифоски на клавијатура и Јане Тодороски на контрабас.
Публиката не остана должна за вечерта исполнета со позитивна енергија и ги награди изведувачите со громогласни и стоечки аплаузи.
Шоуто „2 Мothers Brothers and 2 Cousins“ повторно ќе биде изведено на 6 август во Џез Ин со почеток во 20 часот.
Карти за шоута во рамки на „Summer Comedy Marathon“ може да се купат на страната www.hahaha.mk или да се резервираат на тел. бр. 075/283-066.
Фото галерија:
Громогласни и стоечки аплаузи за шоуто „2 Мothers Brothers and 2 Cousins“
Н.С.Ј.
фото. А. Момироска
