Деновиве екипите на „Паркови и зеленило“ хортикултурно ги уредуваат зелените површини на повеќе локации во градот.
Во текот на вчерашниот ден, засадени се 2500 садници од летната цветна реколта на градскиот и малиот плоштад, како и долж кејот „Маршал Тито“.
Исто така, искосени се и високите тревни површини пред студентскиот дом „Никола Карев“, долж булеварот „Туристичка“ и улицата „Железничка“, на дел од „АСНОМ“, како и кај кружниот тек на улицата „Јане Сандански“.
Претходно, охриѓани реагираа дека во близина на студенскиот дом, сопствениците на земјиштето со години не преземаат мерки за косење на тревните површини.
OhridNews
