Креативни декорации, вкусно подготвени и аранжирани јадења и пијалаци и умешност, покажаа на дегустацијата во РЦСОО „Ванчо Питошески“ учениците кои го полагаат практичниот дел од завршниот испит по предметите Готварство и Угостителско послужување.
Матурантите од РЦСОО „Ванчо Питошески“ ги покажаа стекнатите гастрономски вештини
Честитки до сите матуранти. Им посакуваме многу среќа и успех, да станат готвачи со Мишелин ѕвезди, а келнерите да имаат успешни кариери и да дојдат до свои објекти каде ќе можат да ги презентираат сите знаења стекнати во нашето училиште, изјави директорот на РЦСОО „Ванчо Питошески“, Тони Андрески.
Учениците во РЦСОО „Ванчо Питошески“ покрај со теоретски знаења, се стекнуваат и со практично иксуство што треба да им помогне подобро да се вклопат на пазарот на труд каде квалитетниот угостителски кадарот е еден од најбараните.
Г.М.
Фото: А. Момироска
