На 24 мај годинава стадионот на португалска Бенфика ќе биде домаќин на финалниот натпревар од Лигата на Шампиони.
Но, европската куќа на фудбалот (ќе) има големи главоболки откако дербито во португалската лига Бенфика – Спортинг Лисабон беше прекинато поради распаѓање на стадионот.
Силните ветрови и дождливото време откорнаа дел од покривот на „Естадиод ди Луиз“, а да биде трагедијата поголема тие делови долетаа на теренот, а дел завршија во публиката.
УЕФА ќе треба да спроведе поголеми инспекции на стадионот од Бенфика бидејќи ќе биде голем срам ако истото се повтори во финалниот натпревар од ЛШ, кој е најгледан спортски настан во Европа неколку години наназад.
Мх.П.
