Откорнати и расфрлани клупи, оштетувања на инфраструктура, поплавени дворови на куќите кои се наоѓаат до самото езеро. Ваква глетка утрово ги затекна охриѓани по синоќешното невреме проследено со силен ветер и обилни врнежи од дожд.
Најголеми оштетувања претрпе Мостот на желбите, кој буквално е разнесен од силните бранови.
Како што информираат од Управата за хидрометеоролошки работи во текот на ноќта јачината на ветрот кој дувал од јужен правец достигнала 60 километри на час.
Според најавите ветровито, облачно и врнежливо време ќе преовладува и денеска, а на места врнежите од дожд ќе достигнат и до 50 литри на метар квадратен.
